Côr y Penrhyn • Penrhyn Male Voice Choir
Cartref | Hanes | Arweinydd & Cyfeilyddes | Oriel | Gwrando | Cysylltiadau | Cyswllt|Ar y Gweill
 


Owain Arwel Davies B.Mus, PGCE- Arweinydd

Yn y flwyddyn 2001, dychwelodd Owain Arwel i'w wreiddiau yn Nyffryn Ogwen gan ymgartrefu yn Nhregarth. Magwyd ei fam, Eluned Davies, yn Fferm Bronnydd Uchaf, Llanllechid, cyn symud i Fetws-y-Coed, lle bu nain Arwel, y diweddar Mrs Gwen Owen yn cadw Gwely a Brecwast. Magwyd Arwel ym Mae Penrhyn ger Llandudno, a thra'n ddisgybl yn Ysgol y Creuddyn roedd yn aelod o Gôr Maelgwn gyda'i dad Arfon Davies, dan arweiniad Davey Jones.
Mae ei ddiddordebau a'i ymrwymiadau cerddorol yn ymestyn o fod yn aelod ac yn rheolwr un o fandiau pres mwyaf llwyddiannus Cymru - sef Seindorf Hyn Biwmares ac yn gyn brif Drombonydd Band Pres Ieuenctid Cymru ac Ensemble Cymru. Ar y pegwn arall mae'n perfformio yn aml gyda nifer o fandiau Roc amlycaf Cymru - Anweledig, Mim Twm Llai a Geraint Lovgreen i enwi ond rhai.
Fe raddiodd o Ysgol Gerdd Prifysgol Cymru, Bangor gydag anrhydedd yn 1999, cyn gwneud cwrs ymarfer dysgu, a derbyn swydd fel Pennaeth Cerdd Ysgol y Moelwyn yn y flwyddyn 2000. Yno mae wedi profi cryn lwyddiant mewn cystadlaethau gyda Chorau'r Ysgol yn ogystal â'i gynhyrchiad diweddar o 'Prima Dona' lle gwelwyd corws o 130 yn rhoi perfformiad bythgofiadwy. Fe'i penodwyd yn Arweinydd Côr Meibion y Penrhyn yng ngwanwyn 2004 yn dilyn penderfyniad Mary S. Jones i ganolbwyntio ar ei dyletswyddau cerddorol yn yr Unol Daleithiau
 

Fran Davies M.A., B.Mus, PGCE - Cyfeilyddes

Yn enedigol o Ddihewyd, Ceredigion, mae'n athrawes Saesneg i blant tramor yn Ysgol Gynradd Cae Top, Bangor ac yn ddarlithydd rhan amser yng Ngholeg Menai yn dysgu Saesneg i dramorwyr hÿn.

Bu'n fuddigol yn Eisteddfod Genedlaethol Machynlleth ac yn Eisteddfod Genedlaethol Yr Urdd ym Mhwllheli ar yr unawd piano.

Mae'n aelod oes, Urdd Cerdd Ofydd yr Orsedd. Ei henw gorseddol yw Frances Dalis

© 2003 Côr Meibion y Penrhyn | i'r dechrau | e-bost